महिला साहित्यकारको मासिक भेला  सम्पन्न

२०८१ साउन २६, काठमाडौ, काव्य घर । महिला साहित्यकारहरुको चौथो मासिक भेला साउन २५ गते काठमाडौंमा सम्पन्न भएको छ । बरिष्ट आख्यानकार माया ठकुरीको आख्यानमा डा.रेणुका सोलुको समीक्षा सहित सम्पन्न उक्त कार्यक्रममा माया ठकुरीले नेपाली भाषा साहित्य क्षेत्रमा पु¥याउँनु भएको योगदानको चर्चा गरिएको थियो ।

 कार्यक्रमको संयोजक रीता खत्रीले सञ्चालन गर्नु भएको कार्यक्रममा तीन दर्जन भन्दा बढी नारी स्रष्टहरुले आफ्ना रचना बाचन गरेका थिए । रचना बाचन गर्नेहरु जलेश्वरी श्रेष्ठ,भागिरथी श्रेष्ठ,उन्नती बोहोरा‘शिला’,कान्ति पराजुली, कमला शाक्य, भैरवी भूगोल,रीता खत्री,गंगा कर्माचार्य पौडेल,रञ्जु दाहाल, थिए । यस कार्यक्रमा स्रष्टालाई प्रोत्साहन स्वरुप जुमन किरणको किताब विक्रि गरिएको थियो । साथै  कार्यक्रममा समीक्षकलाई समेत पारिश्रमिक दिने पराम्परा समेत रहेको ।