एनसेलको सेयर खरिद बिक्रीबारे छानबिन हुने 

२०८०,मंसिर२०, काठमाडौं , काव्य घर । नेपाल सरकारले दूरसञ्चार सेवा प्रदायक एनसेलको सेयर खरिद बिक्रीबारे विस्तृत छानबिन गर्ने बताएको छ । प्रधानमन्त्री पुष्पकमल दाहाल प्रचण्डले सत्तारुढ दलका शीर्ष नेताहरुसँग छलफल गरेलगत्तै सञ्चार तथा सूचना प्रविधि मन्त्रालयले वक्तव्य जारी गरी छानबिन गर्ने बताएको हो । हिजो बसेको बैठकले विज्ञप्तिमा भनिएको छ । सरकारले दूरसञ्चार सेवा प्रदायक एनसेलको सेयर खरिद बिक्रीका सम्वन्धमा प्रकाशित समाचारप्रति नेपाल सरकारको गभ्भीर ध्यानाकर्षण भएको छ । सरकारले दूरसञ्चार सेवा प्रदायक एनसेलको सेयर खरिद बिक्रीका सम्वन्धमा प्रचलित कानुनी प्रावधान तथा अन्तर्राष्ट्रिय विधि र प्रक्रियाको पालना गर्नु पर्ने उल्लेख गरिएको छ । यस अध्ययन तथा छानविनबाट कुनै अनियमितता भएको पाइएमा नेपाल सरकारले सम्बन्धित सबैलाई तत्काल कानुन बमोजिम कडा कारवाहीको दायरामा ल्याइनेछ । नेपाल र नेपालीको हित संरक्षण तथा प्रचलित कानुनको पालना गर्न गराउन नेपाल सरकार प्रतिबद्ध रहेको छ । संचार तथा सुचना प्रविधि मन्त्री तथा नेपाल सरकारका प्रवत्ता रेखा शर्माद्धारा हस्ताक्षति विज्ञप्तिमा उल्लेख गरिएको छ ।