साहित्यपाटी

नेपाली साहित्यको इतिहास लेखन,परम्परा, प्रवृत्ति र आवश्यकताबारे विचार गोष्ठी । काठमाडौँ ।

नेपाल प्रज्ञा-प्रतिष्ठान, समालोचना र साहित्येतिहास विभागले 'नेपाली साहित्यको इतिहास लेखन परम्परा, प्रवृत्ति र आवश्यकता' विषयक विचार गोष्ठी

काव्य घर नेपालकाव्य घर नेपाल
Sep 26, 2023 - 22:31
 0  9
नेपाली साहित्यको इतिहास लेखन,परम्परा, प्रवृत्ति र आवश्यकताबारे विचार गोष्ठी । काठमाडौँ ।

असोज ९ काठमाडौ , काव्य घर /  नेपाल प्रज्ञा-प्रतिष्ठान, समालोचना र साहित्येतिहास विभागले 'नेपाली साहित्यको इतिहास लेखन परम्परा, प्रवृत्ति र आवश्यकता' विषयक विचार गोष्ठीकोआयोजना देवकोटा सभाकक्षमा सम्पन्न गर्यो ।यस गोष्ठीको समुद्घाटन प्रज्ञा-प्रतिष्ठानका कुलपति भूपाल राईले ब्यानर वाचन गरेर गर्नुभयो ।

 यस गोष्ठीको स्वागत मनतव्यका क्रममा प्रज्ञा-प्रतिष्ठानका सदस्य सचिव डा. धनप्रसाद सुवेदीले नेपाली साहित्यको समग्र इतिहास लेखनका बारेमा खोजी र विश्लेषण हुनुपर्ने बताउनुभयो । यस विचार गोष्ठीको अध्यक्षता नेपाल प्रज्ञा-प्रतिष्ठानका प्राज्ञ परिषद् सदस्य तथा साहित्य (समालोचना र साहित्येतिहास) विभाग प्रमुख मधुसुदन गिरीले गर्नुभयो ।यस अवसरमा उहाँले नेपालको समालोचना लेखन कस्तो अवस्थामा रहेको छ ?आजको विश्वमा समालोचना लेखनको प्रवृत्ति के कस्तो रहेको छ? नेपाली साहित्यको इतिहास लेखन ,परम्परा र प्रवृत्ति के कस्तो छ ,के कस्तो आवश्यकता छ? भन्ने विषयमा दुई महिने विमर्श शृङ्खला सुरु गरिएको कुरा उल्लेख गर्नुभयो ।

 प्रस्तुत विषयमा प्रज्ञा-प्रतिष्ठानका प्राज्ञसभा सदस्य तथा समालोचक डा. बालकृष्ण अधिकारीले कार्यपत्र प्रस्तुत गर्नुभयो। त्यस कार्यपत्रमा साहित्येतिहास के हो ?,साहित्येतिहास कस्तो हुन्छ ?,नेपाली साहित्यको इतिहासलेखन परम्परा ,इतिहासचेतको प्रारम्भ वा पृष्ठभूमि निर्माण ,यसका मूल प्रवृत्तिहरू ,साहित्येतिहास लेखन र ग्रन्थ प्रकाशन ,साहित्येतिहासको सैद्धान्तिक तथा प्रायोगिक विमर्श र नेपाली साहित्यको इतिहासलेखनका आवश्यकताका बारे प्रष्ट पारिएको छ । यस कार्यपत्रका टिप्पणीकार प्रा.डा. दयाराम श्रेष्ठले 'नेपाली साहित्यलेखन कमजोर छैन ।अहिले नेपाली भाषा संसारका कुनाकुनासम्म छरिएको छ ।तिनको पनि इतिहास लेखिनुपर्छ ।यसका लागि तथ्यपूर्ण सामग्रीको सङ्कलन हुनुपर्छ 'भन्नुभयो । यसैगरी कार्यपत्रका अर्का टिप्पणीकार डा. विन्दु शर्माले वर्णनात्मक ढाँचामा लेखिएको यस कार्यपत्रका सीमाहरू प्रष्ट खुल्याइ पनि साहित्य इतिहास लेखनमा शैली विज्ञानका बारेमा थप व्याख्या हुनुपर्ने बताउनुभयो ।

 

प्रस्तुत कार्यपत्रमाथि सहभागीका तर्फबाट प्रा.डा.माधवप्रसाद पोखरेल ,प्रा.डा. रामप्रसाद ज्ञवाली, डा. हरिप्रसाद सिलवाल , डा. सोम धिताल ,घनेन्द्र ओझा,ज्ञानु अधिकारी ,सरोज दिलु विश्वकर्मा,प्रमोद प्रधान र विक्रम त्रिपाठीले आआफ्नो धारणा राख्नुभयो । यस कार्यक्रमको सहजीकरण तथा उद्घोषण प्रज्ञा-प्रतिष्ठान 'समालोचना तथा साहित्येतिहास' विभागका सदस्य तेजविलास अधिकारीले गर्नुभयो ।

Tags:

Previous Article

निरन्जन पन्तको निक्षिप्त रक्तबीज उपन्यास कृति बिमर्श कार्यक्रम सम्पन्न

Next Article

प्रज्ञा प्रतिष्ठानद्वारा बिजया दशमी लक्ष्यित पुस्तक पर्दशनी शुरु

What's Your Reaction?

like

dislike

love

funny

angry

sad

wow

काव्य घर नेपाल
काव्य घर नेपाल सुशासनका लागि अन्याय अत्याचार भ्रष्टाचार विरुद्धका लागि बिकासका लागि सत्यतथ्य सूचनाका लागि समृद्धिका लागि अशक्त अपांग निरक्षर गरीब पिछडिएको सीमान्तकृत बर्गका लागि समानताको लागि - भाषा साहित्य संस्कृतिका काव्य घर नेपाल मिडिया प्रालि

Related Posts

गीतकार गीता खत्रीको साङ्गीतिक साँझ सम्पन्न 

गीतकार गीता खत्रीको साङ्गीतिक साँझ सम्पन्न 

काव्य घर नेपाल Apr 28, 2024  0  16

केही मुक्तकहरु

केही मुक्तकहरु

काव्य घर नेपाल Jul 2, 2023  0  41

साहित्य चाैतारी झापाबाट पाँच स्रष्टा सम्मानित

साहित्य चाैतारी झापाबाट पाँच स्रष्टा सम्मानित

काव्य घर नेपाल Apr 13, 2024  0  16