एकीकृत समाजवादी निकट जनवर्गीय सङ्गठनहरूले बुझाए  ज्ञापनपत्र

असार २७, काभ्रे काव्य घर । नेकपा ( एकीकृत समाजवादी ) निकट जनवर्गीय संगठनहरुले जिल्ला प्रशासन कार्यालय काभ्रेका प्रमुख लाई ज्ञापन पत्र बुझाएका छन् । सोमबार साल्ट ट्रेडिङ कर्पोरेशन लिमिटेड काभ्रे शाखाबाट अवैध रुपमा मल बिक्रीवितरण गरिरहेका बिचौलियालाई कारवाहीको माग गर्दै समाजवादीका विभिन्न जनवर्गीय संगठनले काभ्रेका  प्रमुख जिल्ला अधिकारी पुण्य विक्रम पौडेललाई ज्ञापनपत्र बुझाएका हुन् । जनवर्गीय संगठनहरुले बुझाएको ज्ञापन पत्रमा भनिएको छ,-खेतीपातीको मध्य सिजनमा कृषकले सहज रुपमा रासायनिक मल खरिद गर्न नपाएको अवस्थामा कृषि सहकारीलाई मल वितरण गर्ने नाममा बढी मल दिइरहेको र  उचित अनुगमन नभएको ,कालो बजारी बढेको प्रती युवा संघ नेपाल काभ्रेका ध्यानाकर्षण भएको छ । घटनामा मिलोमतो र कालोबजारी गर्ने साल्ट ट्रेडिङ कर्पोरेशन लिमिटेड काभ्रे शाखाका प्रमुख सुरेन्द्र अवाल र सरस्वती कृषि सहकारीको नामबाट अवैध रुपमा मल बढी मूल्यमा बिक्री गर्ने जित कर्ण श्रेष्ठलाई अविलम्ब कानुनी कारवाही गरियोस् । साथै रासायनिक मल बिक्री वितरण पारदर्शी बनाई सबै पालिकालाई नियम अनुसार कोटा निर्धारण गरि पुनरावलोकन गरियोस् ,जारी ज्ञापन पत्रमा भनिएको छ।