धरौटी बुझाउँन नसक्दा रिजाल थुनामा 

मंसिर २०, काठमाडौं, काव्य घर । नेपालीलाई नक्कली भुटानी शरणार्थी बनाउन संलग्न रहेको अभियोग लागेका भुटानी शरणार्थी नेता टेकनाथ रिजाललाई उच्च अदालत पाटनले धरौटीमा छाड्न आदेश दिए पनि उनी छुटेका छैनन्।

मंसिर १५ गते अदालतले रिजालसहित ७ जनालाई धरौटीमा छाड्न आदेश दिएको थियो। तीमध्ये धरौटी बुझाएर ६ जना छुटिसकेका छन्।

उच्च अदालत पाटनका न्यायाधीशहरू जनक पाण्डे र प्रकाश खरेलको इजलासले रिजाललाई १५ लाख रुपैयाँ धरौटी बुझाउन आदेश दिएका थिए।

तर बिहीबारसम्म रिजाल थुनामै छन्। रिजालले धरौटी बुझाएका छैनन्।