समाचार

आज खण्डग्रास चन्द्रग्रहण लाग्ने

काव्य घर नेपालकाव्य घर नेपाल
Oct 28, 2023 - 08:26
Oct 28, 2023 - 13:06
 0  14
आज खण्डग्रास चन्द्रग्रहण लाग्ने

कार्तिक ११ काठमाडौ ,काव्य घर / आश्विन शुक्ल पूर्णिमाका दिन नेपाल पञ्चाङ्ग निर्णायक विकास समितिले आज खण्डग्रास चन्द्रग्रहण लाग्ने जनाएको छ।

 

शनिबार राति १:१९ बजे स्पर्श हुने चन्द्रग्रहणको सुतक दिउँसो ४:१९ बजेदेखि सुरु हुने समितिका सदस्य समेत रहेका धर्मशास्त्रविद् प्राडा. देवमणि भट्टराईले जानकारी दिए। राति २:३८ बजे ग्रहणको मोक्ष अर्थात् समाप्त हुने समितिले स्वीकृति दिएका पात्रो (पञ्चाङ्ग) मा उल्लेख छ।

 ग्रहणका बेलामा नित्य र नैमित्तिक कर्म गर्नु हुन्छ। विशेष कामना राखेर गरिने कर्म भने गर्नुहुँदैन। आश्विन शुक्ल चतुर्दशीदेखि कार्तिक कृष्ण प्रतिपदासम्म तीन दिन यस्ता कर्म गर्नु नहुने शास्त्रीय वचन रहेको पनि धर्मशास्त्रविद् भट्टराईले बताए।

यो चन्द्रग्रहण वि.सं. २०८० मा लाग्ने एउटै ग्रहण भएको समितिले जनाएको छ। चन्द्रग्रहणको नौ घण्टाअघिदेखि सुतक लाग्ने धर्मशास्त्रका ग्रन्थमा उल्लेख गरिएको धर्मशास्त्रविद् प्राडा. रामचन्द्र गौतमले बताए।

 दिउँसो ४:१९ बजेदेखि बाल, वृद्ध र बिरामी बाहेकलाई भोजन निषेध गरिएको छ। गत वर्ष कात्तिक ८ गते सूर्यग्रहण र २२ गते चन्द्रग्रहण लागेको थियो। गत वर्ष चन्द्रमास अनुसार कार्तिक कृष्ण औँसीमा सूर्यग्रहण र कार्तिक शुक्ल पूर्णिमामा चन्द्रग्रहण लागेको थियो। सूर्यग्रहण औँसी र चन्द्रग्रहण पूर्णिमामा लाग्ने गर्छ।

Tags:

Previous Article

बडादशैं विशेष ‘शब्दचौतारी’ अतिथि कवि जानुका वस्ती ढकाल

Next Article

महासचिव गुटेरेस अन्नपूर्ण आधार शिविर जाने, यस्तो छ तयारी

What's Your Reaction?

like

dislike

love

funny

angry

sad

wow

काव्य घर नेपाल
काव्य घर नेपाल सुशासनका लागि अन्याय अत्याचार भ्रष्टाचार विरुद्धका लागि बिकासका लागि सत्यतथ्य सूचनाका लागि समृद्धिका लागि अशक्त अपांग निरक्षर गरीब पिछडिएको सीमान्तकृत बर्गका लागि समानताको लागि - भाषा साहित्य संस्कृतिका काव्य घर नेपाल मिडिया प्रालि

Related Posts

प्रदेश मन्त्री जवेगूद्वारा हेवा खोलामा निर्मित बेलिब्रिज उद्घाटन

प्रदेश मन्त्री जवेगूद्वारा हेवा खोलामा निर्मित बेलिब्रि...

काव्य घर नेपाल Jul 18, 2023  0  12

फ्रुट एग्रो प्रोड्क्ट प्रा.लि.को नेशनल मिटिङ सम्पन्न

काव्य.घर संवाददाता May 17, 2023  0  2

अख्तियारले दमक नगरपालिकाका तत्कालीन नापी अधिकृत धानुक सहित १८७ जनाविरुद्ध मुद्दा दर्ता

अख्तियारले दमक नगरपालिकाका तत्कालीन नापी अधिकृत धानुक स...

काव्य घर नेपाल Feb 25, 2024  0  35