कविता - मेरो सङ्कल्प  –बी.पी. सेढाई 

                  
(छन्द– इन्द्रवज्रा)

सङ्कल्प मेरो अब देश जागोस् 
पूर्वीय हाम्रै रङमा उदाओस्
संस्कार हाम्रै अनि भेष हाम्रै
बाँचोस् ममा यै म त मान्छु राम्रै ।  
               १
हो देश उद्यान म पुष्पपात्र
डाकूँ सधैँ नै म वसन्तसत्र
नौला सुनौला म कली खिलाऊँ
पाखा, पखेरा मनमा फुलाऊँ  ! 
           २
हुर्किन्छ मान्छे  जुन भूमि टेकी
मिच्छिन्छ पो त्यै यस भूमिदेखि
जागोस् र खै राष्ट्रियता कसोरी ?
बाँचे  नि माटो  सबले निचोरी ! 
           ३
पmेरेर  मात्रै  नवसाल  पात्रा,
के भाग्य फेर्थे भइराछ जात्रा
चला र सोचाइ छ है सुरानै
पmेर्ला पुराना मतिले कुरा क्यै ? 
          ४