प्रहरी कल्याणकारी कोषले पूर्वप्रहरीलाई अन्याय गरेको भन्दै महानिरीक्षकलाई ६ बुँदे ज्ञापनपत्र 

फागुन २३,काठमाडौं,काव्य घर । नेपाल पूर्वप्रहरी संगठनले प्रहरी कल्याणकारी कोषले पूर्व प्रहरीहरुको कल्याणका लागिएकदमै कम रकमदिने गरेको भन्दै असन्तुष्टि जनाएको छ । आज (बुधबार) रिपोर्टर्स क्लब नेपालमा पत्रकार सम्मेलन गरी पूर्वप्रहरी संगठनले प्रहरी कल्याण कोषमापूर्व प्रहरीहरुको ६० प्रतिशत भन्दा बढी योगदानहुँदाहुदै पनिपूर्व प्रहरीहरुको कल्याणमा न्यून रकममात्र छुट्याई ठूलो रकमहिनामिनाभइरहेको बताएको हो । 
‘मूलधनसमेत मासेर कमिसनकालागि ट्याङ्क, जमिन, उपकरण आदिकिन्ने र पेट्रोल पम्पहरु लगाई कोषको दुरुपयोग गर्ने कामभएको छ भन्ने बाहिर चर्चा रहेको छ जसको एक उदाहरण पूर्व प्र.म.नि. तथाकोषका संरक्षक ओमबिक्रम राणालाई अदालतबाटै कल्याणकोषको दुरुपयोग बापत जेल सजाय भएबाटै पनि प्रमाणित भएको छ,’– पूर्वप्रहरी संगठनले सार्वजनिक गरेको विज्ञप्तिमा भनिएको छ । 
प्रहरी कल्याण कोषबाट मूलधन नमासी सो कोषको व्याजबाट मात्रै कल्याणका कामहरु गर्नुपर्नेमामूल धनबाटै जथाभाबी र बद्नियतपूर्वक लगानीहुनथालेको पूर्व प्रहरी संगठनको निश्कर्ष छ ।
नेपाल भूतपूर्व प्रहरी संगठनका केन्द्रीय अध्यक्ष वसन्तराज कुँबरले कल्याणकारी कोषमा नेपाली सेनाको ७६ अर्ब, सशस्त्रको ४ अर्ब भन्दा माथि हुँदा ३२ वर्षमा नेपालप्रहरीको ४ अर्बमात्रहुनुले भ्रष्टाचार र अपचलनको आशंकागर्ने ठाउँ प्रशस्त रहेको बताए । 
नेपाल प्रहरीको कल्याणकारी कोषले पूर्व प्रहरीहरुकालागिथोरै रकम छुट्याउँदा स्वास्थ्य सेवामा असर परेको उनको भनाइ छ । ‘यो समस्या कहाँबाट आयो भने पूर्व प्रहरीहरुले आफ्नो अस्पतालमा पैसा तिर्नुपर्यो । पूर्व प्रहरीहरु ४५ हजारजति पेन्सनखाने छन् । अरु २० हजार बीचमै छाडेका छन् । पूर्व प्रहरीहरुलाई उपचारमाकिन पैसा तिर्नुपर्यो त भन्दात्यहाँ कल्याण कोषबाट २ करोडमात्रै दिएको रहेछ,’– उनले भने ।
उनले प्रहरीको उक्तप्रकरणलाई ललिता निवासजस्तै अर्को प्रकरणको संज्ञा दिए । आफूहरुले कोषको उक्त पैसा के–कसो हो छानविन गरौंभन्दा छानविन समिति गठन गर्नसमेत कोहीतयार नभएको बताए । आफूहरुले पटक–पटक पूर्व प्रहरीहरुको हकमा कल्याण कोषबाट न्यायोचित बितरण गरियोस् भनीप्रहरी प्रधान कार्यालयमा पत्राचार गर्दा पनि मागहरु सम्बोधन नभएको उनले बताए । आफ्ना वर्ग माथि प्रहरी कल्याणकोष व्यवस्थापन सञ्चालक समितिले घोर अन्याय गरेको पूर्व प्रहरी संगठनको ठहर छ । 
आफूहरुले आजकै मिति बाट “प्रहरी कल्याण कोषको न्यायोचित बितरण गर’’ भन्ने नारासहित देशव्यापी आन्दोलन र विरोध कार्यक्रम अघि बढाएको अध्यक्ष कुँबरले बताए । पूर्व प्रहरी संगठनले देशका सबै जिल्लााप्रशासना कार्यलाय र अन्य कार्यालय मार्फत प्रहरी महानिरीक्षकलाई ६ बुँदे माग पेश गर्न लागेको उनले बताए ।