‘बृहत हाइकु बाचन’ तथा शुभकामना आदान प्रदान कार्यक्रम सम्पन्न

असोज २७ काठमाडौ ,काव्य घर / काव्य घर नेपाल मिडिया प्रा.लि को साहित्य बिभाग पेरोल काव्य घर नेपालको आयोजनामा काठमाडौंमा ‘बृहत हाइकु बाचन’ तथा दशैको अवसरमा शुभकामना आदान प्रदान कार्यक्रम सम्पन्न भयो ।

 
नेपाल प्रज्ञा प्रतिष्ठानका प्राज्ञ मधुसूदन गिरीको प्रमुख आतिथ्यतामा सम्पन्न  भएको कार्यक्रममा वरिष्ठ पत्रकार गोपालप्रसाद थपलिया र प्राज्ञ मन्जु काँचुली विशेष अतिथि रहनु भएको थियो ।

 हाइकुका अनुसन्धानदाता बी.के पाल्पालीको हाइकु बाचन गरि उद्घाटन गरिएको कार्यक्रममा नेपाली हाइकु इतिहासमा बिशेष योगदान पुर्‍याएका स्रष्टाहरुको समेत चर्चा परिचर्चा गरिएको थियो । हाइकु आयातित रहेपनि नेपालीहरुको मन मस्तिष्कमा जरा गाडेर बसेको प्राज्ञ मधुसूदन गिरीले बताउनु भयो । नेपाली हाइकुमा नेपाली बिम्बहरु झल्किनु पर्ने तर्क राख्नु भयो ।

काव्य घर नेपालको साहित्य बिभाग प्रमुख रेणुका भट्टराईको सञ्चालन रहेकोे कार्यक्रममा हाइजिन दिल पौडेल , भुवन शिवाकोटी ,कमला घिमिरेले  नेपाली हाइकुको महत्त्व र अस्तित्वलाई जोड दिदै  हाइकु लेखनमा सक्रिय रहेको बताउनु भयो ।

हाइजिन अन्जना पौडेलले स्वागत रहेको  कार्यक्रममा राममणी ढुङ्गेल,राजन न्यौपाने ,मन्जु काँचुली,चन्द्रकला शाह ,गोपालप्रसाद थपलिया,रश्मि रिमाल ,दिलकुमारी डङ्गोल,शर्मा ललिता ,शान्ति पौडेल  ,बैरागी जेठाले हाइकु बाचन गर्दै नेपाली हाइकु लेखन त्यति सजिलो र सहज नरहे पनि नेपाली साहित्यमा हाइकुको स्थान महत्त्वपूर्ण रहेको बताउनु भएको थियो ।

काव्य घर नेपालका अध्यक्ष राजकुमार  खड्गाले सभातिको आसनबाट बोल्दै  अबका हाइकुले नेपाली  संस्कार संकृतिको पक्षमा बोल्नुपर्ने र यश किसिमको कार्यक्रम हाइकु विशेष यो सालकै सम्भवतः पहिलो हो र सबै बिधालाई यसैगरी सबै बिधालाइ न्याय गर्दै लगिने बताउनु भयो ।

कार्यक्रममा देश विदेशबाट पठाउनु भएका हाइकु पनि बाचन गरिएको थियो । अमेरिकाबाट पुष्कर लोहनी, वेदकुमारी न्यापाने, मलेसियाबाट वाइ के युवराजका हाइकुहरु बाचन गरिएको थियो ।

त्यस्तै विभिन्न जिल्लाबाट प्राप्त  भएका हाइकुलाई पनि स्थान दिदै बाचन गरिएको थियो ।उदयपुरबाट माधव गज्याङ्ग्रे , तनहुँबाट आकाश अधिकारी, भक्तपुरबाट बसन्त बस्नेत लगायतका हाइजिनहरुको हाइकु बाचन गरिएका थिए । 

काव्य घर नेपालका अध्यक्ष राजकुमार खड्गाको सभापतित्वमा भएको कार्यक्रम सम्पन्न भएको थियो ।