वनिता साहित्यिक त्रैमासिक पत्रिकाले मनायो रजत महोत्सव
साउन १५,काठमाडौं,काव्य घर । वनिता साहित्यिक त्रैमासिक पत्रिकाले आफ्नो प्रकाशनको २५औं वार्षिकोत्सब (रजत जयन्ती)मा वरिष्ठ अनुवादक एवं समालोचक प्रा.डा.अभि सुवेदीलाई अभिनन्दन गरेको छ । उहाँलाई "वनिता रत्न सम्बुद्ध गोपालप्रसाद रिमाल अभिनन्दन- २०८०"बाट अभिनन्दन गरिएको हो ।
यसैगरी साहित्यिक पत्रकार संघका पूर्व अध्यक्ष नरेन्द्रबहादुर श्रेष्ठलाई "व्यथित काव्य वनिताश्री सम्मान- २०८०"बाट सम्मानित गरेको छ भने २०८१ बाट कवि ठाकुर वेलबासे सम्मानित भएका छन् ।
यसैगरी "रन्जुश्री- दामोदर यात्रा वनिता सम्मान - २०७९"बाट निबन्धकार युवराज नयाँघरे र २०८० बाट प्रतीक ढकाल सम्मानित भएका छन् ।
यसैगरी "वनिताश्री डा. नरेन्द्र चापागाईं समालोचक शिरोवर्ती सम्मान -२०८० बाट समालोचक प्रा. डा. सावित्री कक्षपती र २०८१ बाट समालोचक फणिन्द्र निरौला सम्मानित भएका
छन् ।
कार्यक्रममा बालसाहित्यकारहरु देवकुमारी थापा बालसाहित्य वनिता सम्मान/पुरस्कार शाश्वत पराजुली (२०८०) तथा छायादत्त न्यौपाने ‘बगर’ सम्मानित भएका छन् ।
संगीतकार राज सिग्देल,गायिका राधिका भण्डारी, अनुवादक राजेन्द्र गुरागाई, कवि रश्मि रिमाल, साहित्यकारहरु हरि बराल, संगीतकार मन्जु नकर्मीलगायतका स्रष्टाहरु सम्मानित भएका छन् ।
कार्यक्रम वनिता प्रकाशनकि प्रकाशक, सम्पादक प्राज्ञ लक्ष्मी उप्रेतीको अध्यक्षतामा सम्पन्न भएको थियो ।
कार्यक्रममा वरिष्ठ साहित्यिक पत्रकार रोचक घिमिरे, वरिष्ठ साहित्यकारहरु मन्जुल, अशेष मल्ल, राधेश्याम लेकाली, उन्नती बोहरा शीला, जलेश्वरी श्रेष्ठ, गोपीकृष्ण प्रसाईं लगायतको उपस्थिति रहेको थियो । प्रकाश समिरद्धारा सञ्चालन रहेको उक्त कार्यक्रम ई. महेन्द्र गुरुङले स्वागत गर्नु भएको सो कार्यक्रममा ह्यापी किड्स मन्टेश्वरीका ससाना नानीहरुले नृत्य प्रस्तुत गरेका
थिए ।
What's Your Reaction?
काव्य घर नेपाल
सुशासनका लागि अन्याय अत्याचार भ्रष्टाचार विरुद्धका लागि
बिकासका लागि सत्यतथ्य सूचनाका लागि समृद्धिका लागि
अशक्त अपांग निरक्षर गरीब पिछडिएको सीमान्तकृत बर्गका लागि
समानताको लागि - भाषा साहित्य संस्कृतिका काव्य घर नेपाल मिडिया प्रालि
