विश्वमा नै उपन्यासमा पहिलो चित्रकला प्रदर्शनी
फागुन ८, काठमाडौ, काव्य घर । कलाकार तथा साहित्यकार इन्दु पन्तको एकल चित्रकला प्रदर्शनीको उद्घाटन आज नेपाल आर्ट काउन्सिल ववरमहलमा भएको छ । कला र साहित्यको संगम नामक यस प्रदर्शनमा बरिष्ठ साहित्यकार भरतजङ्गम द्धारा लिखित विश्व चर्चित उपन्यास कालो सूर्य माथि कला र साहित्यको संगम बनाउँने कार्य कालाकार इन्दु पन्तले गर्नु भएको हो । भ्रष्टाचारको विरोधमा २०३६ सालमा लेखिएको उक्त उपन्यासलाई कला मार्फत अझै चर्चित पार्ने कार्य भएको छ ।
प्रमुख अतिथि नेपाल ललितकला प्रज्ञा प्रतिष्ठानका कुलपती नारदमणि हातृम्छालीले रिवन काटी उद्घाटन गर्नु भएको थियो । विशेष अतिथि पूर्व कुलपति रागिनी उपाध्याय, अतिथि कालो सूर्यका सर्जक भरत जंङ्गम र कलाकार इन्दु पन्त लगायत वशिष्ट कलाकार र साहित्यकारहरुको उपस्थिति रहेको थियो ।
कार्यक्रमा प्रदर्शित चित्रकलाको अवलोकन गरिएको थियो । यस चित्रकला प्रदर्शन ५ दिनसम्म नियमित रुपमा हुने जानकारी गराइएको थियो । उक्त चित्रकला प्रदर्शन विश्व कै पहिलो र नमुना भएको जानकारी गराइएको थियो ।
What's Your Reaction?