सम जयन्तीमा ‘अमर अनुभूति’ लोकार्पण

  माघ २४,काठमाडौं,काव्य घर । महान् विभुति नाट्यसम्राट् बालकृष्ण समको जन्म जयन्तीका अवसरमा कवि प्रेमनाथ घिमिरेको ‘अमर अनुभूति’ कवितासङ्ग्रह लोकार्पण गरियो । कवि वैरागी काइँला,साहित्यकार रमा शर्मा,काठमाडौँ महानगरपालिका वडा नं १ का अध्यक्ष भरतलाल श्रेष्ठ, कवि घिमिरे लगायतका व्यक्तिबाट संयुक्त रूपमा कृति लोकार्पण भयो 
कृतिका सम्पादक तथा भूमिका लेखक उपप्रा ज्ञाननिष्ठ ज्ञवालीले कृतिबारे चर्चा गरे । कवि प्रह्लाद पोखरेल, साहित्यकार नरेन्द्र बहादुर श्रेष्ठले समको साहित्यिक योगदानबारे चर्चा गरे । साहित्यकार रमा शर्माको अध्यक्षतामा सम्पन्न कार्यक्रम नेपाली शिक्षा परिषद् र काठमाडौँ महानगरपालिका वडा नं १ को संयुक्त रूपमा आयोजना गरिएको हो ।