पत्रकार तथा साहित्यकार बी.के. पाल्पालीको ४९औं जन्मजयन्ती तथा स्मृति दिवस सम्पन्न
काव्य घर नेपालको साहित्य बिभाग पेरोल काव्य घरको आयोजनामा कुशल पत्रकार तथा प्रशिद्ध साहित्यकार एवं सम्पादक बी.के. पाल्पालीको ४९औं जन्मजयन्ती तथा स्मृति दिवस अनामनगर स्थित सामाजिक बिकाश समाजको सभाहलमा बिशेष कार्यक्रमको आयोजना गरि सम्पन्न गरियो ।
यसैक्रममा नोबेल साकोसका संस्थापक तथा साहित्यकार राजन प्रसाद न्यौपानेले बी.के. पाल्पाली आफ्ना कृतिमार्फत सदैव जीवित छन् भन्दै पाल्पालीको जीवनी बारे प्रष्ट पारेका थिए । मन्तव्यका क्रममा प्राज्ञ सदस्य चेतनाथ धमलाले पाल्पालीसंगको सहयात्रा लगायत साहित्यिक गतिविधिमा बिषेश बिवेचनाका क्रमलाई स्मरण गर्दै हाइकु लेखनका बिषयमा विवेचना गरेका थिए । यसैक्रममा नेपाल पत्रकार महासंघका नेपाल पत्रकार महासंघ केन्द्रीय सचिव गोविन्द चौलागाईँ ,सदस्य शान्तिराम बिडारीले पाल्पालीको कृतित्व र व्यक्तित्व माथि प्रकाश पार्दै नेपाल पत्रकार महासंघका तर्फबाट पाल्पाली बचाउ अभियानमा खेलेको भूमिका स्मरण गरेका थिए ।
What's Your Reaction?