असार २१, काठमाडौं काव्य घर नेपाल । नेकपा एकीकृत समाजवादीका उपाध्यक्ष एवं संसदीय दलका उपनेता राजेन्द्रप्रसाद पाण्डेले एमालेले प्रधानमन्त्रीको राजीनामा माग्नु संसदीय मान्यता विपरीत भएको बताउनु भएको छ । सत्ता गठबन्धनको बैठक पछि पत्रकारहरूसँग कुरा गर्दै नेता पाण्डेले प्रधानमन्त्री पुष्पकमल दाहाल प्रचण्डको अभिव्यक्तिबारे कुरा राख्दै एमालेले प्रधानमन्त्रीको राजीनामा माग्नु संसदीय मान्यता विपरीत भएको बताउनु भएको हो । उहाँले गठबन्धनको बैठकले प्रधानमन्त्रीले राजीनामा दिनु नपर्ने निष्कर्ष निकालेको बताउनु भयो । , ‘हामीले प्रधानमन्त्रीले राजीनामा दिनु नपर्ने निष्कर्ष निकालेका छौँ । प्रधानमन्त्रीले संसद् फेस गर्नुहुन्छ । उहाँहरू मिटर ब्याज पीडितको पक्षमा होइन। शोषण गर्नेको पक्षमा उभिनुभएको हिजोको तथ्यले प्रमाणित भयो । उहाँहरू जनतालाई जति लुटेपनि हुन्छ भन्ने पक्षमा उभिनुभयो । यस्तै गर्दै जाँदा प्रमुख प्रतिपक्षसहित विपक्षी दलको रोल पनि उचित हुँदैन ।’ उहाँले जनतालाई मिटर ब्याज सम्बन्धी विधेयकलाई अब चाँडै संसदबाट अघि बढाएर कार्यान्वयन गर्ने समेत बताउनु भयो । बैठकले कोशी प्रदेशका मुख्यमन्त्रीमा आज ५ बजेसम्म नेपाली काँग्रेस कोशी प्रदेश संसदीय दलका नेता उद्धव थापालाई मुख्यमन्त्री बनाउने गरी प्रस्ताव पेश गर्न सङ्घबाट निर्देशन दिइएको पनि बताउनु भयो । , ‘आज ५ बजेसम्म उद्धव थापालाई कोशी प्रदेशका मुख्यमन्त्री बनाउने गरी प्रस्ताव पेश गर्ने र मिटरब्याज विरुद्ध सम्बन्धको अध्यादेशमा रहेको समस्याका बारेमा गठबन्धन दलबीच छलफल गरी चाँडै संसदबाट पास गर्ने निर्देशन दिइएको छ।’ उहाँले भन्नुभयो ।
काव्य घर नेपाल
सुशासनका लागि अन्याय अत्याचार भ्रष्टाचार विरुद्धका लागि
बिकासका लागि सत्यतथ्य सूचनाका लागि समृद्धिका लागि
अशक्त अपांग निरक्षर गरीब पिछडिएको सीमान्तकृत बर्गका लागि
समानताको लागि - भाषा साहित्य संस्कृतिका काव्य घर नेपाल मिडिया प्रालि