महिलाहरुको संस्था Inner Wheel Club of Rajdhani ले आफ्नो १५ औं जन्मदिवस मनाएको छ
साउन २०, काठमाडौं, काव्य घर । विश्वमा रहेका महिलाहरुको संस्था Inner Wheel Club of Rajdhani ले आफ्नो १५ औं जन्मदिवस मनाएको छ । संस्था International Inner Wheel ( IIW) सँग आवद्ध रहेकाे छ । प्रथम विश्वयुद्धमा घाइते भएकालाई सेवा गरेका नर्स मार्गरेट ओलिभर गाेल्डिङले याे Inner Wheel संस्थाकाे विजाराेपण सन् १९२३ मा गरेका थिए । त्याे बीउ हुर्केर बढेर अहिले १४० देशमा फैलिएर १,९०,००० भन्दा बढी महिला सदस्य परिचालित हुँदै मानवसेवाका विभिन्न सामाजिक कार्य गरिरहेका छन् । विश्वमा नै महिलाहरूकाे सबभन्दा ठूलाे संस्था IIW काे छाताभित्र रहेका ती १४० सदस्य राष्ट्रमध्येकाे एउटा राष्ट्र नेपाललाई District 350 नामले विश्वभरि चिन्ने गरिन्छ । त्यही District 350 नेपालकाे छाताभित्र रहेका नेपालभित्रका ४१ क्लबहरूमध्येको एउटा क्लब Inner Wheel Club of Rajdhani हो । District वा केन्द्रकाे अभिभावकत्व र सुपरिवेक्षणमा अगाडि बढ्ने क्रममा यस क्लबकाे सन् २०२३ र २०२४ को नयाँ समितिले आजको कार्यक्रम सम्पन्न गरेको हो । क्लबका President नीलशाेभा श्रेष्ठले यसकाे सभाध्यक्षता गर्दै क्लबकाे आफ्नै शैलीमा घण्टी बजाएर कार्यक्रमलाई औपचारिकता दिनुभएको थियाे ।
कार्यक्रमकाे प्रमुख अतिथिको रूपमा IIW BoD कमल प्रभा खरेल, विशिष्ट अतिथिका रूपमा District Secretary कमला श्रेष्ठ, NR ( National Representative) कमला महर्जन सुवाल, PDC ( Past District Chairman) सर्सिज पालिखेकाे उपस्थिति र सम्बाेधनबाट कार्यक्रम अगाडि बढाइएकाे थियाे । नेपालमा औपचारिक रूपमा यो संस्था स्थापना गर्नका लागि अग्रणी भूमिका खेल्नुभएका स्व. जय उमा प्रधानलाई स्मरण गर्दै उहाँलाई सम्मान गरिएको थियो । आफ्नो क्लबका जेष्ठ सदस्य ताराकेशरी ढुङ्गाना र उहाँकाे जीवनसाथी भवानीप्रसाद ढुङ्गानालाई उहाँहरूकाे वैवाहित जीवनकाे ५० औं वार्षिकोत्सबकाे अवसरमा बधाई र सम्मान गरिएकाे थियाे । उक्त कार्यक्रमको कुशल सञ्चालन प्रा.डा.सावित्री कक्षपतिले गर्नु भएको थियो । कार्यक्रम न्हुज पार्टी पेलेस बागबजारमा सम्पन्न भएकाे थियाे ।
What's Your Reaction?