कविता - ठिमाहा -दिल पौडेल

सत्ता र भत्ताका लागि
उरालधुराल पारी, गुड्डी हाँक्नेहरु
दिउँसै झलझली देखाउँछन् तारा
धुन्धुकारी दुराचारीहरुको जमाना छ अचेल
त्यसैले ओझेल परेको छ । 
समानता, स्वतन्त्रता र भातृत्वको नारा
दही खाँदै ठेकी लात्ताले हानिरहेछन् सबै
 पाषाणहृदयी सत्ताधारी 
ठिमाहा विचार बोकेका छन् 
उदार लोकतन्त्रका लुटेरा

जब विश्वविद्यालयका प्राध्यापकहरु
राँगाको नाभीस्थलमा तेल मालिस गर्छन्

तव थोरबहुत
 देशभक्त र राष्ट्रवादीहरु बर्खास्ती र कारवाहीमा पर्छन्
राष्ट र संस्कृतिको जगेर्ना गर्छ 
उनीहरु पनि सुनपानी छर्केर
विदेशीका इसारामा मार्चपास गर्छन्
भजन मण्डली तोरी लाहुरेहरुका 
वेसाहा विचार छ नेपालमा
भनसुन र मनसु्न अनुसार चल्ने 
ढोँगी आडम्बरीले खाए चारा
ओझेल परेको छ समृद्धि, न्याय र सुशासनको नाच

योजनाहरु हाँकाहाँकी कमिसनमा चल्छ 
सत्तामा तानाशाह, कृपावाद परजीविको चित्तल छ ।
शक्ति, भक्ति, अनुरुप वर्ग उत्थान 
भागवन्डा, मिलिभगत अकुत आर्जन
बुझ्नै गाह्रो छ पूmट, विग्रह विवाद ?
चिन्नै गाह्रो छ को सांसदको हत्यारा ?
ओझेल परेका छन् धुन्धुकारीहरुको  ।