काठमाडौमा दुई मुक्तक संग्रह विमोचन 

 फागुन १९, काठमाडौं, काव्य घर/नवराज पोखरेलको  मुक्तक सङ्ग्रह ‘नवशिला’ र  बद्री उप्रेतीको  मुक्तकसङ्ग्रह‘चिराइतो’ लीलाध्वज थापा साहित्य प्रतिष्ठानको सभाहल बालुवाटार, काठमाडौँबाट विमोचन कार्य सुसम्पन गरियो ।

दीपोज्वलन साथै राष्ट्रिय गान सहित सुरु गरीएको उक्त कार्यक्रमको सञ्चालन  भुवन सिवाकोटी चौघरेद्धारा भएको थियो ।  स्वागत् मन्तव्य  गंगा आचार्य सेढाईँले गर्नु भएको थियो । शारदा गौतम आचार्यको अध्यक्षतामा भएको  उक्त कार्यक्रमा प्रमुख अतिथि नेपाल मुक्तक प्रतिष्ठानका उपाध्यक्ष वरिष्ठ साहित्यकार तथा पत्रकार वियोगी बुढाथोकीज्यू रहनु भएको थियो । त्यसैगरी  विशिष्ट अतिथि कलानिधि दाहाल वरिष्ठ साहित्यकार एवं लीलाध्वज थापा साहित्य प्रतिष्ठानका अध्यक्ष विजयध्वज थापा रहनु भएको थियो । लोकार्पित कृति चिराइतो मुक्तकसङ्ग्रहका समीक्षक  समालोचक प्रा. डा.गोविन्द मानसिंह कार्की र ममता मृदुल रहनु भएको थियो । दुबै कृतिको लोकार्पण गरिएको थियो । 

 विभिन्न संघ संस्थाका प्रतिनिधि, बुद्धिजीवी, प्रत्रकार , समाजका गन्यमान्य व्यक्तित्व साथै साहित्यानुरागी मनहरूको करिव  १०५ जनाको उपस्थिति रहेको थियो । विमोचिन सभामा शुभकामना मन्तव्य दिनुहुनेहरूमा वियोगी बुढाथोकी, कलानिधि दाहाल, विजयध्वज थापा, निलञ्जला भारद्वाज, सुनिल अधिकारी नम्रता उप्रेती, शिला पोखरेलको रहेको थियो ।   कार्यक्रममा उपस्थित हुनु भएका साहित्यकार मध्यबाट २०  जना स्रष्टाहरूले लोकार्पित दुबै कृतिबाट मुक्तकहरू वाचन गर्नुभएको थियो ।