नश्लवादी शासकहरुले देश बन्न नदिएको नेता महतोको आरोप

माघ ११,काठमाडौं, काव्य घर । लोकतान्त्रिक समाजवादी पार्टी (लोसपा) का वरिष्ठ नेता राजेन्द्र महतोले छिमेकी मुलुक भारत आफूलाई विश्वको तेस्रो सम्पन्न राष्ट्रको रुपमा उभ्याउने लक्ष्यका साथ अगाडि बढिरहेको बताएका छन् । आज (बिहीबार) भारतको ७५औं गणतन्त्र दिवसको पूर्वसन्ध्यामा रिपोर्टर्स क्लब नेपालद्वारा आयोजित ‘नेपाल–भारत सम्बन्ध’विषयक अन्तरक्रिया कार्यक्रमलाई सम्बोधनगर्दै उनले छिमेकी मुलुक भारतले द्नियाँमा समृद्ध र सम्पन्न राष्ट्रको रुपमा आफूलाई  स्थापित गराउँदै गर्दा नेपालका नेताहरुले भने नेपाललाई दुनियाँको सबैभन्दा विपन्न १० वटा राष्ट्रको रुपमा पुर्याएको बताए । 
‘भारत दुनियाँको समृद्ध राष्ट्रको दर्जा पाँचौबाट तेस्रोमा पुग्ने लक्ष्यलिएर अगाडि बढेको छ । उसको अर्थ व्यवस्था, आर्थिक अवस्था दुनियाँको पाँचौं अवस्थामा छ ।’ उनले भने, ‘भारत हाम्रो छिमेकीले द्ुनियाँका समृद्ध र सम्पन्न राष्ट्रको रुपमाआफूलाई स्थापितगर्यो । हामीकहाँगयौं त ? हामीले के स्थापितगर्यौं त ? हामी नेपालीबहादुरहरु, हामीले के–के बहादुरी गर्यौं त ?दुनियाँको सबैभन्दा विपन्न १० वटा राष्ट्रको दर्जामा हामी बहादुरहरुले नेपाललाई पुर्यायौं । यही हाम्रो बहादुरी हो ।’ 
नेपाललाई प्रकृतिले बरदान दिएको भएपनि त्यसको सही सदुपयोग गर्न नसकिएको उनले बताए । उनले नेपालमा जलस्रोत र पर्यटनको ठूलो सम्भावना भएपनि त्यसलाई उपयोग गर्न नसकिएको कारण देशको समृद्धि र विकास हुन नसकेको बताए । उनले पर्यटनको मामलामा नेपाल स्वीजरल्याण्ड भन्दापनि राम्रो रहे पनि विकास हुन नसकेको बताए । उनले ठूला दलका नेताहरुले नेपाली जनतालाई कंगाल बनाएर राजनीति गरिरहेको टिप्पणी गरे । नेतामहतोले भने, ‘हामीकसमआएका छौं कहिल्यै पनि नसुध्रिने ? नेपाली जनतालाई कंगालबनाएर राजनीतिगरिरहने ?किन नेपाल अगाडि बढ्न नसकेन ? प्रकृतिले त बरदानदिएको हो त ? ब्राजिलपछि दोस्रो स्थानमा आउँदो रहेछ नेपाल  । जलस्रोतलाई प्रयोग गरेको भए नेपाली जनता दुनियाँको सम्पन्न राष्ट्रको नागरिक हुने थियो ।’ 
देशको राजनीति भ्रष्ट भएको र देशलाई समृद्धि र विकासको बाटोमालाननसकिएको उनले बताए । देश विकास नभइरहँदा र भ्रष्टाचार मौलाइरहँदामिडिया पनि पार्टी र नेताको बनेर निश्पक्ष मूल्याङ्न गर्न नसकिरहेको र जनतालाई सही सूचना नदिएको उनले आरोप लगाए । 
भारतमा १० वर्ष मोदीको शासनकालमा काण्ड नसुनिएको बताउँदै उनले नेपाल काण्डैकाण्डको देश बन्दाविकास हुन नसकेको बताए  । उनले कांग्रेस,माओवादी र एमालेले काण्डैकाण्ड मच्चाएको बताए । ‘नेपालमा त काण्डै काण्ड । लेख्नुहुन्न, काण्डैकाण्ड । काण्ड पनिकुन–कुन काण्ड हो कुन–कुन काण्ड हो । सबै काण्ड तपाईँहरुलाई थाहा छ । त्यो काण्ड गरेको कसले हो ? रक्षकनै भक्षक भएको हो कि होईन ? जो शासकहो ठूलाबडा पार्टी भनाउँदा कांग्रेस, एमाले, माओवादीयहीहोईन ? अनि सारा काण्ड यही पार्टी भित्र भएको हो कि होईन ? जनतालाई लुट्ने, देशलाई लुट्ने कामभएको छ । अनि देश कसरी बन्छ ? सिक्नु परेन अरुबाट । आफ्नो गोरुको बाह्रै टक्का ? देश समृद्धि तर्फ कसरी जान्छ ?’ उनले प्रश्न गरे । 
नेपाल सबै नेपालीको लागि नबने सम्म देश विकास नहुने उनको दाबी छ । नश्लवादी शासकहरुले देश बन्न नदिएको उनको आरोप छ । ‘जबसम्म नेपाल सबै नेपालीको लागिबन्दैन । हिमाल, पहाड, तराई, मधेशमा बस्ने सबै वर्ग, जाति समुदायको लागिजबसम्म नेपालबन्दैन तबसम्मनेपालबन्दैन । ढुक्क भएर बस्नुस् ।’ उनले भने, ‘यहाँकानश्लवादीशासकहरुले सबैकालागि नेपालबन्नै दिएनन् । देश त बन्ने संविधानबाट हो, देश चल्ने संविधानबाट हो । कहिले पनि सबै नेपालीको लागि संविधानबन्दै बनेन ।’