लघुकथा केन्द्र नेपालद्वारा दुई लघु कथा संग्रह एकसाथ विमोचन
इन्दिरा चापागाईंकृत लघुकथा ‘अन्त्यहीन परिधि’ तथा रुद्र अधिकारी ‘निदोर्षी’ द्वारा सिर्जित ‘दृष्टि’ गरी दुई लघुकथासङ्ग्रह एकसाथ विमोचन गरेको छ ।
जयराम बिडारी/माघ २१ काठमाडौ ,काव्य घर / हाम्रो लघुकथा केन्द्र, नेपालको आयोजनामा इन्दिरा चापागाईंकृत लघुकथा ‘अन्त्यहीन परिधि’ तथा रुद्र अधिकारी ‘निदोर्षी’ द्वारा सिर्जित ‘दृष्टि’ गरी दुई लघुकथासङ्ग्रह एकसाथ विमोचन गरेको छ ।
कृति सार्वजनीकरणपछि स्रष्टा इन्दिरा चापागाईंले आजका दिनसम्म आफ्नाा सिर्जना रहेको र लोकार्पण पश्चात अव समाजको नासोको रुपमाा सुम्पिएकोले आफ्ना कृति लोकार्पण समारोहमा साक्षी बसिदिन उपस्थित महानुभावहरुमा धन्यवाद व्यक्त गरेकी थिइन् भने अर्का कृतिकार रुद्र अधिकारी ‘निर्दोषी’ले बेलायतको लन्डनबाट भिडियो कल मार्फत उपस्थित सबैलाई हार्दिक आभार व्यक्त गर्दै अग्रज पुस्ताको सार्थक साथ र सहयोगले आफ्ना कृति सार्वजनिकिकरणको चरणमा आइपुगेकोले पाठकहरुलाई यसमा रहेका कतिपय कमि कमजोरी औल्याईदिनु भएमा आगामी अझै परिस्कृत रुपमा क्रियाशील रहन सहयोग पुग्ने धारणा व्यक्त गरेका थिए ।
मन्दिरा चापागाईंद्वारा कुशलता पूर्बक संचालन गरिएको उक्त कार्यक्रममा शेखर अर्याल, ज्ञाननिष्ठ ज्ञवाली मन्दिरा मधुश्री ,धीरकुमार श्रेष्ठ, निर्मला बराल, रामकुमार पण्डित, विनोद नेपाल यमुना प्रधानाङ्ग ममता मृदुल लगायत सयौंको संख्यामा साहित्यकार एवम् साहित्यानुरागीहरुको उपस्थिति रहेको थियो ।
What's Your Reaction?
