फेमकुमारी डोरनाथ ढुङ्गेल साहित्य प्रतिष्ठानद्धारा स्रष्टा सम्मान कार्यक्रम सम्पन्न

भाद्र ३०,भक्तपुर,काव्य घर । फेमकुमारी डोरनाथ ढुङ्गेल साहित्य प्रतिष्ठानको आयोजनामा साहित्यिक विमर्श एवं स्रष्टा सम्मान कार्यक्रम सम्पन्न भएको छ  । प्रमुख अतिथि निर्वमान कुलपति गंगाप्रसाद उप्रेतीले विभिन्न विधाका ८ जना स्रष्टालाई सम्मानपत्र सहित सम्मान गर्नु भएको हो । उक्त कार्यक्रममा सम्मानित व्यक्तित्वहरु फेडोल,उत्कृष्ट सिर्जना सम्मान २०७६ – मातृका पोखरेल, २०७७ –जय छाङछा ,२०७८– नवराज रिजाल, २०७९– आख्यान विधा – रत्न प्रजापति, २०७९ काव्य विधा – गणेश घिमिरे ‘मार्मिक’, फेडोल कला साधना सम्मान २०७९– गणेश जी.सी , फेडोल प्रोत्साहन सम्मान २०७८– नमोद राउत, फेडोल प्रोत्साहन सम्मान २०७९– सपना के.सी हुनुहुन्थो । कार्यक्रमका बारेमा आयोजका संस्थाका अध्यक्षले प्रकाश पार्दे  । प्रतिष्ठानका अध्यक्ष राममणि ढुङ्गेलको सभापत्वि सम्पन्न कार्यक्रममा स्वागत मन्तव्य  लालबहादुर भुलेले गर्नु भएको थियो । पानसमा दीप प्रज्वलन सहित प्रमुख अतिथिबाट उद्घाटित उक्त कार्यक्रमको बारेमा आयोजक संस्थाका अध्यक्ष राममणि ढुङ्गेलले आमा बुवाको नामबाट यो संस्था स्थापना गरेको र २०६८ सालमा स्थापना भई विविध कार्यक्रम गर्दै आएको जानकारी गराउँदै । अध्यक्षले प्राप्त गरेको विभिन्न पुरस्कार, किताव विक्रि र रोयल्टीबाट प्राप्त रकमको अक्षय कोष स्थापना गरि त्यसबाट प्राप्त ब्याजको रकमबाट कार्यक्रम गदै आएको पनि बताउँनु भयो । राष्ट्रिय गान र संस्थालाई सहयोग गर्ने पारिवारिक सदस्य देवकी ढुङ्गानाको सम्झनामा १ मिनेट मौन धारण समेत गरिएको थियो । सम्माननित व्यक्तित्वका बारेमा साहित्यकार रामप्रसाद पन्तले बोल्नु भएको थियो । सम्मानित व्यक्तित्व मध्येबाट मातृका पोखरेले मन्तव्य राख्नु भएको सो कार्यक्रमको अर्को चरणका रुपमा साहित्यकार आयोजक संस्थाका अध्यक्ष ढुङ्गेलको दुई कृति मुक्तकसंग्रह ‘चेतनाको चित्कार’ फणिन्द्र निरौला र हाइकु संग्रह ‘शान्तिको गीत’ देवी नेपालले कृतिका बारेमा बोल्नु भएको थियो । अतिथिहरुमा गोपाल अश्क, प्रेमनाथ अधिकारी उपस्थित रहेको कार्यक्रमलाई कुशल सञ्चालन देवु लुइटेलले गर्नु भएको थियो । करिव सय जना भन्दा धेरै स्रष्टाहरुको उपस्थिति रहेको थियो ।