अन्तर्राष्ट्रिय

कृषि मन्त्री भारत भ्रमण

काव्य घर नेपालकाव्य घर नेपाल
Jul 20, 2023 - 10:58
 0  9
कृषि मन्त्री भारत भ्रमण

असार ३ भारत ,काव्य घर / भारत भ्रमणमा कृषिमन्त्री भुसाल, सीमावर्ती जिल्लामा लम्पी स्किनको भ्यासिनेसन गर्ने भारतको प्रतिवद्धता काठमाडौं,।

 तीन दिने भारत भ्रमणमा रहेका कृषि तथा पशुपन्छी बिकास मन्त्री डा. बेदुराम भुसालले त्यहाँका समकक्षीसँग भेटघाट गरेका छन् । नेपालका कृषि तथा पशुपन्छी बिकास मन्त्री भुसालले भारतका कृषि एवम् किसान कल्याण मन्त्री नरेन्द्र सिंह तोमर र मत्यपालन, पशुपालन एवम् डेरी मन्त्री परशोत्तम रुपालासँग बुधबार भेटघाट गरेका हुन् ।

 दुबै मन्त्रीसँग भएको छुट्टाछुट्टै भेटमा कृषि उपज निर्यातदेखि लम्पी स्किन नियन्त्रण र उन्नत जातका पशु निर्यात लगायत बिषयमा महत्त्वपूर्ण निर्णय भएको मन्त्रीका प्रेस संयोजक दिपक अनुरागीले बताए । भारतका कृषि मन्त्री तोमरसँगको भेटमा मन्त्री भुसालले नेपाली किसानले उत्पादन गरेको टमाटर निर्यात गर्न आग्रह गरेका थिए । नेपालमा किसानले उत्पादन गरेको टमाटरले मूल्य नपाएको र भारतमा टमाटरको मूल्य आकाशिएको भन्दै नेपालबाट टमाटर निर्यातको प्रबन्ध मिलाइदिन मन्त्री भुसालले आग्रह गरेका थिए ।

 जवाफमा भारतीय कृषिमन्त्री तोमरले अबको एक हप्ता भित्र नेपालबाट टमाटर आयातको कानुनी प्रक्रिया पूरा गर्ने प्रतिबद्धता जनाएका थिए । यस्तै मन्त्री भुसालले आफ्नो देशमा उत्पादन भएका किवी, ड्रायगन, एभोगाडो लगायतका फलफूल निर्यात गर्न नेपाल आतुर रहेको बताएका थिए । यस्तै पशुपालनमन्त्री रुपालासंगको भेटमा मन्त्री भुसालले लम्पी स्किन रोगको भाइरस सिड उपलब्ध गराउन आग्रह गरे । भारतीय मन्त्रीले भारतसँग जोडिएका नेपालका जिल्लामा लम्पी स्किनको निशुल्क भ्यासिनेसन गर्ने प्रतिबद्धता जनाएका छन् ।

 भारतीय पशुपालन मन्त्री रुपालाले नेपालमा पश्मिना प्रबर्द्धनका लागि भारतको लद्दाकका हाइब्रिड च्याङ्रग्रा उपलब्ध गराउने बताएका छन् भने गाईको नश्ल सुधारका लागि साइवा गाईको साढे उपलब्ध गराउने प्रतिबद्धता जनाएको मन्त्रीका प्रेस संयोजक अनुरागीले बताए । भारत भ्रमणमा मन्त्री भुसालसँगै मन्त्रालयका सचिव डा. दिपक खराल, मन्त्रीका प्रमुख स्वकीय सचिव सुशील भट्टराई छन् ।

Tags:

Previous Article

 कोशी सरकारको स्रष्टा सम्मानको सर्वत्र आलोचना

Next Article

प्रस्तावित बृहत् खेलकुद महोत्सवको जानकारी गराउँदै –समाजवादी

What's Your Reaction?

like

dislike

love

funny

angry

sad

wow

काव्य घर नेपाल
काव्य घर नेपाल सुशासनका लागि अन्याय अत्याचार भ्रष्टाचार विरुद्धका लागि बिकासका लागि सत्यतथ्य सूचनाका लागि समृद्धिका लागि अशक्त अपांग निरक्षर गरीब पिछडिएको सीमान्तकृत बर्गका लागि समानताको लागि - भाषा साहित्य संस्कृतिका काव्य घर नेपाल मिडिया प्रालि

Related Posts

अमेरिकामा बेपत्ता पारिएका दुइ बालबालिकाको सकुशल उद्वार

अमेरिकामा बेपत्ता पारिएका दुइ बालबालिकाको सकुशल उद्वार

काव्य घर नेपाल Jun 28, 2023  0  15

भारतमा  ३० जना सांसद निलम्बन

भारतमा  ३० जना सांसद निलम्बन

काव्य घर नेपाल Dec 18, 2023  0  7

रिटनी फोरम नेपालको गठन ।

रिटनी फोरम नेपालको गठन ।

काव्य घर नेपाल Jul 26, 2023  0  8