सिडी विजय अधिकारीको ‘चरी’ गीत सार्वजनिक

असार २०, काठमाडौ/ काव्य घर नेपाल । गायक /संगीतकार सिडी विजय अधिकारीको सुमधुर स्वर रहेको ‘चरी’ गीत सार्वजनिक भएको छ । रचनाकार जीवनदास सुनारको शब्दरचना, सिडी विजयको म्युजिक कम्पोज  र एनक्समसको म्युजिक प्रोडक्सन रहेको गीतलाई  मंगलबार साँझ सार्वजनिक गरिएको हो ।

धेरै मनमहोक स्थलहरुमा छायांकन गरिएको गीतको भिडियोमा मोडेल बिना राउत र कमल सिंहको अभिनय रहेको छ  । धेरै लोकप्रिय गीतका भिडियोहरु निर्देशन गरिसकेका युवा निर्देशक प्रहिल कार्कीले भिडियोलाई निर्देशन गरेका हुन् । भिडियोमा उत्तम हुमागाईंको सिनेमाटोग्राफ ,सन्तोष राजवाहकको कोरियोग्राफी र माधव बेलबासेको सम्पादन रहेको छ ।

 यसअघि जीवनदास सुनार र सिडी विजय अधिकारीको सहकार्यमा  समिक्षा अधिकारीको आवाजमा रहेको ‘म चन्द्रमा हुँ’ गीत रिलिजको छोटो समयमै निकै चर्चित पनि बनिसकेको छ । सिडी विजय र एनक्समसको ‘दुरी मजबुरी’र ‘अविरल माया’ स्रोता दर्शकले  अत्याधिक रुचाइएका गीतहरुमा पर्छन  ।